مليت وصدك مشتاق لك مليت

ضيعت الدروب وصدك ما أندل

تاهت علتي ومل مني صوت الاخ
وعصرات الفراك اشلون نتحمل

حليت الشدايد ما درت كل بال
بس شدة فراكك ما لكيت الحل

مو شمرة عصه وكلش هواي بعيد
ثلث سنين ممشه وادري ما اوصل

مجبور أعتنيلك انته ماي العين
وترجية حديثه بروحي تتشكل

يا اصل الترافه والدلال البيك
نكفر لو لغيرك كلنه المدلل

لوله بكل حلو سامعهه من الناس
وتمايزتك حلو! بس كامل مكمل

بقانون الجمال ورادو يحسبوك
كسرت الارقام وطالع الاول

وبمقياس رختر قاسو الزلزال
ورختر بيده قاسك وابد ما وصل

من يا طينه خدك صنع الرحمن
وجمال البيك خايب صبه يا معمل

المبهم وضح لو ضفته ال تعريف
بس انته عكس عرفت هاي الال

عزل نور عيني وما يشوف الغير
وشبك روحك محنه عليهه من عزل

ضكت المر غيابك شوفاني الويل
محتار و كضيت الوكت ذل بذل

رضيت بكلشي منك حته لو ما جيت
وسلمت الك امري وانته ما تقبل

مليت وصدك مشتاق الك مليت
من روحي مليت وانته ما تنمل
,,,,,,,,,,,,,,,,,,,,,,,,,,,,,,,,,,,,,,,,,,,,,

تطشر خرز روحي ....ملمني

وبسامير الخلك توجع....ملمني
صدك شخصك نساني ....ملمني
ومعقوله نسيت الصار بيه

ت

لا جديد سوى رائحة التميز
تثور من هنا ومن خلال هذا الطرح
الجميل والمتميز ورقي الذائقه
في استقطاب ما هو جميل ومتميز