اضحك معنا .......

موضوع: اضحك معنا ....... الخميس أغسطس 07, 2014 3:08 pm

السلام عليكم اخوتي الكرام

اليوم جبتلكم نكت اغلبها صرات في ارض الواقع وبالضبط في ارض القسم

نبداو على بركة الله

(1)

في حصة الاجتماعيات , كان التلاميذ يدرسون في الحرب العالمبة الباردة

كان الاستاذ يصف في الخسائر االمادية والبشرية , ثم سأل الاستاذ التلاميذ

هل كل شيئ مفهوم؟ من لديه سؤال ؟ رفع فتى اصبعه وقال انا

فأذن له الاستاذ فقال هذي الحرب الباردة قالو السخونة كيفاه تعود؟

(2)

في حصة الفرنسية كان التلاميذ يدرسون في درس les ravages .......la lutte chimique

الاستاذ قالهم كاسك فو فوايي دون لا فوتو؟ وش راكم تشوفو في الصورة

قالولو ورقة صفرا

قالهم وش بيها ؟

كل واحد وش يقول واحد مريضة .....ناقصها الاكسجين ..... ميتة

المهم واحد يشارك ويعيط الشيخ ؟الشيخ ؟

قالو الاستاذ تفضل , ايا جاوبو التلميذ عندها بوصفير شلط تبرا ....تريح

(3)

مرة كان قسم الرياضيات تعبان ميت 2 سوايع فيزياء

الاستاذ عطالهم تمرين يشيب المهم بداو جماعة القراية يطلعو

الاولى طلعت للسبورة وقعدت تحسب 400*30

مش كتبتلو طول 12000 قعدت تتوحش في الرابعة ابتدائي

صفر في صفر ومبعد صفر في صفر ومبعد صفر في 4 ثم

نقطة ومبعد 3في 0=0 ومبعد 3 في 0 =0

ومبعد3في 4 =12 المهم ضربت فيها 10 دقايق

(4)

في نفس الحصة طلعت طفلة داية 18 راها في الاختبار

المهم غلطت في النتيجة جا الاستاذ يصحح لها

قالهاا بنتي اختزلي من كغ الى غ (يقصد حولي )

يخي قاتلو شيخ بصح كي يروح الغرام مع الغرام (غ مع غ)

تبقى ك وش ندير مبعد ؟ المهم انا صديت للبنات سقسي فيهم وش تعشاو

(5)

هذي مرة واحد كان يحل في تمرين نتاع الرياضيات

لحق لاكس أس 2 ماعوض يضرب اكس في اكس

ضربها في 2 , المهم ضربو خوه بكف مفورة قاتلو امه وعلاه ضربت خوك قريه غير بالعقل

قالها اواه حبيتي ايماني يعود ضعيف قالها انا نغير المنكر بيدي

اضحك معنا ....... 1%20%288%29